Bergart smykke & sånt
Kathrine Berg er gründeren og gullsmeden som har erobra eit stort publikum både lokalt og elles gjennom nettbutikken sin. Ho tilbyr kjekke ting med lokal tilknyting, mykje designa og laga i eigen verkstad. Eit besøk i butikken hennar i Eidsgata er ei oppleving i seg sjølv med stort og spanande utval og god og personleg service. Her blir shopping ei glede!
Ervik Surfshop
Dette er den lokale surfebutikken, og du finn den ved sidan av Joker Stadlandet på vei til Ervik. Ervik Surfshop tilbyr deg stort sett alt du treng for surfing, samt forskjellig tilbehør. Du kan også leie surf- sup- og snorkelutstyr og få surfeleksjonar frå erfarne og ISA-kvalifiserte instruktører.
Frislid Herre-ekvipering
Frislid kjem altså frå Nordfjordeid til liks med fjordhesten. På Nordfjordeid har vi noko så fantastisk som herre-ekviperingsforretning. Her kan du møte kompetent personale som tar mål og tilbyr ein dress i din storleik og i ditt favorittstoff. Dei tar konsekvensen av at ikkje alle er A4. Frislid er kvalitet med ei sterk, lokal historie. Stikk innom Frislid!
Lille Amélia og Strikkestova
Dette er ein familieeigd nettbutikk med butikklokasjon på Stadlandet, som sel barnekle og utstyr. Her finn du moteriktige og tidlause barnekle, med god kvalitet. Her finn du merke som Memini, Hust & Claire, Noma, Angulus, Bisgaard, Minilin.
Under same tak finn du Strikkestova. Her finn du garn, strikkeoppskrifter, strikkebøker, nips naps, knapper o.l.
Minibakeriet, Didriks og Coco
Leon Knapskog er gründeren bak Minibakeriet i Eidsgata. Kundar reiser langt for å handle her. Forutan supergode brød og bollar, kan du her få dagens lunsj i form av sandwichar eller salatar. Han har også eit godt utval av lokale produkt i sitt sortiment. Sist, men ikkje minst er butikken utruleg koseleg og med svært, svært god service.
Didriks er for mange det kjekkaste med Eidsgata. Kafeen i signaturbygget Åsebøhuset har god kaffi, smårettar, moglegheit for hyggjeleg handel med smått og stort, og svært koseleg atmosfære.
Coco er det urbane tilbodet på bygda. Inge og Berit flytta frå Oslo til Nordfjordeid. Dei har etablert frisør og kafé i det mest attraktive lokalet i gamle Eidsgata. Her får du skikkeleg kaffi frå kaffimaskin frå Firenze og Berit sin heimebakst enten før eller etter hårklippen, alt levert med eit varmt hjarte for bygda og gata.
Monrad Johnsen, julebutikk, urmakar og gullsmed
Er dette landets største utval i julekuler og julepynt? I fleire generasjonar har familien tilbydt handlande gullsmedvarer, klokker, musikkinstrument og andre gåveartiklar. No er det mindre musikkinstrument, men desto meir julepynt. Set av god tid også til denne butikken.
Sundehjørnet med overraskelsar
Reidun på Sundehjørnet har alltid kjempegode tilbod, spesielt på alt av ull. Ho har også etablert ei eiga retroavdeling med musikk, servise og fat og lokale suvenirar. Eit besøk i Eidsgata må aldri skje utan eit besøk hos Reidun. Det store kuppet i dette årets sommarshopping finn du mest truleg her!
Sybutikken Primula Design
Ingunn Vaksdal har den minste og mest kreative butikken i Eidsgata. Her er snadder for den kreative, spennande interiørsaker, vesker, lamper, julepynt, smykke… ja, alt som er fint.
Ingunn har nettbutikk ilag med dottera si.
Tore-Garden gardsbutikk
Tore-Garden er ikkje berre ein attraktiv nettbutikk, men held også ope tre dagar i veka med besøksadresse Leivdalsvegen 171, 6774 Nordfjordeid. Sølvi og familien hennar starta nettbutikk frå eit lite stabbur på garden i Leivdalen for nokre år sidan. Det har blitt stor suksess, og butikken har no også tatt over låven på garden. Her kan du kjøpe heilt spesielle kle eller interiør i vakre omgjevnadar og du blir gjerne invitert på ein kopp kaffi med noko attåt i det vakre tunet på garden. Tore-Garden er blitt ein attraksjon.
UT av Huse
I Heggjabygda har kunstnar Åse Huse har eit fargerikt atelier i ei gamal grindløe og det
særeigne lokalet byr på salsutstilling av kunst, handverk og redesign. Dørene opnast for
gjestar på førespurnad og de er velkomne til å kikke, slå av ein kunstprat og gjerne gjere ein
handel. Huse tilbyr og ulike kunstkurs i lokalet.
Les meir her
Wild Selkie
Ellen Wild er ansiktet bak Wild Selkie. Ho er frå Belgia, men har alltid elsket det røffe og dramatiske landskapet i Nord -Europa. Ho er havforsker og jobbe av og til som hvalsafari-guide. Nå bor ho på Bryggja med mannen sin.
Som havforsker vart ho utroleg fasinert av havet og krafta det har. Mysteria som ligg under overflata er ei fantastisk inspirasjonskjelde, og no har ho starta med å lage sitt eigen havinspirerte kunstverk, som ho selger på nettbutikken Wild Selkie. Kunsten er inspirert av livets og havets flytende bølger og spiraler. Wild Selkie legemliggjør transformasjon og balanse mellom virkelighet og den mystiske verden.
Ellen er ekspresjonistisk: Skriving, historiefortelling, fotografering, videografi og illustrasjon. Du kan også finne ho på: ellenwild.com.
Handle lokalt der du er
Det er interessant at sopass mange har lukkast med nettbutikkar blant dei handlande på Nordfjordeid: Både Tore-Garden, Bergartsmykke og Sybutikken Primula Design har lukkast. Det gjer at du kan handle i desse spennande butikkane uansett kor du er og når det passar deg.
